വൈപ്പിൻ-ഫോർട്കൊച്ചി യാത്ര അന്നും ഇന്നും നരകതുല്യം.

ഗോശ്രീപാലങ്ങൾ വന്നു,വൈപ്പിൻ-എറണാകുളം യാത്ര സുഗമമായി.
പക്ഷേ,വിളിപ്പാടകലെയുള്ള വൈപ്പിൻ-ഫോർട്കൊച്ചി യാത്ര അന്നും ഇന്നും നരകതുല്യം.
അന്തർദേശീയ കപ്പൽച്ചാലിനു കുറുകെയുള്ള യാത്രയായതിനാൽ പാലം പണിയുകയെന്നത് യുക്തിക്ക് നിരക്കുന്ന ഒന്നല്ല.
കാലങ്ങളായിട്ടുള്ള യാത്രക്കാരുടെ മുറവിളിയെത്തുടർന്നു ഒരു ഇരട്ട എഞ്ചിൻ ബോട്ടും തുടർന്ന് രണ്ട് റോ റോ ജങ്കാറുകളും സർവീസിനിറക്കി.
വൈപ്പിനിൽ റോ റോ ജെട്ടിപണിതത്തിലെ അശാസ്ത്രീയതമൂലം റോ റോ ഓടുമ്പോൾ ബോട്ട് വൈപ്പിൻ ജെട്ടിയിൽ അടുപ്പിക്കുവാൻ പറ്റാത്ത അവസ്ഥ.

റോ റോ ഒരെണ്ണം നിറുത്തുമ്പോൾ ബോട്ട് ഓടിക്കുവാൻ ശ്രമിക്കാമെന്നുവച്ചാൽ കട്ടപ്പുറത്തതായിരിക്കും ബോട്ട്.കോവിഡ് രോഗിയുടെ റൂട്ട് മാപ്പിൽ റോ റോ ഉൾപ്പെട്ടതുകാരണം കഴിഞ്ഞ ഒരാഴ്ചയായി ജങ്കാറും ബോട്ടുമില്ലാതെ യാത്രക്കാർ വലയുകയാണ്.വൈപ്പിൻ-കൊച്ചി ബന്ധം അറ്റുപോയിരിക്കുകയാണിപ്പോൾ. ഏതെങ്കിലുമൊരു കാരണംകൊണ്ട് ഇത്തരം അവസ്ഥ സർവസാധാരണമാണ്.

നഗരസഭയുടെ ഒന്നാം ഡിവിഷൻറെ ഒരു ഭാഗം വൈപ്പിൻകരയിലാണ്.
വൈപ്പിൻകരയുൾപ്പെടുന്ന കൊച്ചിതാലൂക്ക്‌ ഓഫീസ്,ആർ ഡി ഓ ഓഫീസ്,സിവിൽ സപ്ലൈ ഓഫീസ്,കൊച്ചിതാലൂക് ആശുപത്രി തുടങ്ങിയ അത്യാവശ്യമേഖലയിലുള്ള ഒട്ടുമിക്ക ഓഫീസുകളും ഫോർട്കൊച്ചിയിലാണുള്ളത്.ഇവിടെയുള്ളവർക്ക് കൊച്ചിയിലെ താലൂക്ക് ഓഫീസുമായോ ഫോർട്ടുകൊച്ചി നഗരസഭാ ഓഫീസുമായോ ബന്ധപ്പെടുവാൻ 20 കി. മീറ്ററോളം ചുറ്റികറങ്ങേണ്ടതായി വരുകയാണ്.കൊച്ചിതാലൂക്ക് എംപ്ളോയ്മെൻറ് ഓഫീസ് വൈപ്പിനിലായതിനാൽ കൊച്ചിയിലുള്ളവർക്കു എംപ്ളോയ്മെൻറ് ഓഫീസിലെത്തണമെങ്കിലും എറണാകുളം ചുറ്റിക്കറങ്ങേണ്ടതായിട്ടുവരും.
അതിനാൽ വൈപ്പിൻ കൊച്ചി ഫെറി ഒരു അത്യാവശ്യ സർവീസാണെന്ന് പറയേണ്ടതില്ലല്ലോ ഇത്രയും പ്രധാനപ്പെട്ട ഒരു ഫെറി സർവീസ് പൂർണ്ണമായും അടച്ചിടുന്നത് നിരുത്തരവാദപരമാണ്.ഇതിനു ഒരു പരിഹാരം കണ്ടെ തീരൂ.

1 റോ റോ ഫെറി രണ്ടും മുടങ്ങാതെ സർവീസ് നടത്തുക. അടിയന്തിരഘട്ടങ്ങളിൽ ഒരെണ്ണം ഓടാതെ വരുകയാണെങ്കിൽ രണ്ടാമത്തെ ജങ്കാർ സർവീസ് നടത്തുമെന്ന് ഉറപ്പുവരുത്തുക.

2 ഗോശ്രീ പാലത്തിനു താഴെയുള്ള സർവീസ് റോഡിൽ നിന്ന് ഫോർട്ട് കൊച്ചിയിലേക്ക് ബോട്ടു സർവീസ് ആരംഭിക്കുക.റോ റോ രണ്ടും ഓടിയാലും ബോട്ട് വൈപ്പിനിൽ അടുപ്പിക്കുവാൻ പറ്റാതെ വരുന്ന സാഹചര്യം ഒഴിവാക്കുവാനാകും.വൈപ്പിനിൽ പണിയുവാനുദ്ദേശിക്കുന്ന നിർദിഷ്ട വാട്ടർ മെട്രോ ജെട്ടി ഗോശ്രീപാലത്തിന് സമീപത്ത് പണിയുകയാണെങ്കിൽ ജെട്ടി പണിയുവാൻ വേറെ ഫണ്ട് കണ്ടെത്തേണ്ട.
ഗോശ്രീപാലം വന്നതോടുകൂടി ഗോശ്രീ ജംക്‌ഷൻ അനുദിനം വികസിച്ചുകൊണ്ടിരിക്കുകയാണല്ലോ.



ഈ നിർദേശങ്ങളെക്കുറിച്ചുള്ള അഭിപ്രായം  like /  comment രേഖപ്പെടുത്തുക


ഫ്രാൻസിസ് ചമ്മണി,വൈപ്പിൻ ഫോർട്കൊച്ചി ഫെറി പാസഞ്ചേഴ്‌സ് അസോസിയേഷൻ.mob :9497276897