ഇത് ഒരു ബോട്ട് ജെട്ടിയാണ് . വൈപ്പിൻ ഫോട്കൊച്ചി ഫെറിയുടെ വൈപ്പിൻ ജെട്ടി

ഇത് ഒരു ബോട്ട് ജെട്ടിയാണ് .
വൈപ്പിൻ ഫോട്കൊച്ചി ഫെറിയുടെ വൈപ്പിൻ ജെട്ടിയാണിത്.
ഇവിടെയാണ് ബോട്ടു വരുമ്പോൾ യാത്രക്കാർക്ക് കയറിനിൽക്കുവാനുള്ള സ്ഥലം.
ഇത് തകർന്ന് തരിപ്പണമായിട്ട് മാസങ്ങളായി,എങ്ങനെയാണ് തകർന്നതെന്ന് ആർക്കും അറിയില്ല.

വൈപ്പിൻ ഫോട്കൊച്ചി റോറോ സർവീസിലെ ഒരെണ്ണംവാർഷിക അറ്റകുറ്റപ്പണിക്ക് കയറ്റിയപ്പോൾ യാത്രാക്ലേശം പരിഹരിക്കുവാൻ ബോട്ടു ഓടിക്കാമെന്ന് തീരുമാനിച്ചപ്പോൾ ബോട്ട് അടുപ്പിക്കുവാൻ ജെട്ടിയില്ലാത്ത അവസ്ഥ.
കൊച്ചി നഗരസഭയുടെ വൈപ്പിൻ ഫോട്കൊച്ചി ഫെറി സർവീസിലെ യാത്രാക്ലേശം സംബന്ധിച്ച് ഒട്ടേറെ പരാതികളാണ് നിത്യവും ഉണ്ടായിരിക്കൊണ്ടിരിക്കുന്നത്.
ഒന്നുകിൽ രണ്ട് റോറോയും സ്ഥിരമായി ഓടാറില്ല.
രണ്ടെണ്ണം ഓടുമ്പോൾ ബോട്ട് ഓടിയാൽ വൈപ്പിനിൽ അടുപ്പിക്കുവാൻ നിലവിലുള്ള ജെട്ടിയിൽ പറ്റുകയില്ല.സാധാരണ യാത്രക്കാർക്കും വാഹന യാത്രക്കാർക്കും എന്നും ദുരിതം തന്നെ

പരിഹാരമാർഗം  ഇതേയുള്ളൂ.

വൈപ്പിൻ ജെട്ടിയിൽ നിന്ന്  റോ റോ സർവീസ് ഇപ്പോൾ നടക്കുന്നതുപോലെതന്നെ നടക്കട്ടെ.

ബോട്ട് സർവീസ് ഗോശ്രീ ജംക്ഷനിൽ നിന്ന് ആരംഭിക്കുക.
ഗോശ്രീ ജംഗ്ഷൻ അനുദിനം വികസിച്ചുകൊണ്ടിരിക്കുന്ന ഒരു പ്രദേശമാണ്.
വൈപ്പിൻ ജെട്ടിയിൽ വന്നുചേരുന്ന ആളുകളിലേക്കാളും വളരെ കൂടുതൽ ആളുകൾ നിത്യവും ഗോശ്രീ ജംഗ്ഷനിലാണ് ഇപ്പോൾ വന്നുചേരുന്നത്.
യാത്രക്കാർക്ക് പ്രയോജനപ്പെടുന്ന രീതിയിലായിരിക്കണം സർവീസ് നടത്തേണ്ടത്.
വൈപ്പിലേക്കു ബസ്സുകൾ പോകുന്നില്ലെന്ന പരാതിയും ഇതോടെ പരിഹരിക്കപ്പെടും.
റോ റോ രണ്ടും  ബോട്ടും സുഗമമായി ഓടിക്കുവാനും  ഇത് സഹായകമാകും.

വാട്ടർ മെട്രോ വൈപ്പിനിൽ പണിയുവാൻ തീരുമാനിച്ച ബോട്ടുജെട്ടി കാളമുക്കിലെ ഗോശ്രീ പാലത്തിന്റെ സർവീസ് റോഡ് വന്ന് ചേരുന്നിടത്ത് പണിയുക.അവിടെനിന്ന് ഫോർട്ട് കൊച്ചി കമാലക്കടവിലേക്കും മട്ടാഞ്ചേരിയിലേക്കും വേണമെങ്കിൽ ഐലണ്ടിലേക്കും ബോട്ടു സർവീസ് നടത്താം

Add കൊച്ചി നഗരസഭയുടെ വൈപ്പിൻ ജെട്ടിയുടെ ഇപ്പോഴത്തെ അവസ്ഥ: വീഡിയോ :എം ആർ മുജീബ് ,കൊച്ചി

caption